4 de abr. de 2015

A Salgueiro Maia



A Salgueiro Maia

En ti acredito
a forza da palabra.
Semente eterna.

A tebra ficou núa
coa luz morna do día.

Os ollares floreceron co teu devezo,
coa cerna dun futuro
no que brincan os soños
na quietude silente
dos que abafan a esperanza.
Na verba limpa
sempre agromará impía a primavera
os azos dun tempo irredutible
que abrolla no latexo
dos que erguen a dita.

Ningún comentario: