Versos nun calendario sen follas XIX

Sen ollar, bríncame!

Esperta ese cativo

falto de amor.

Fotografía: Eduardo Gageiro

Versos nun calendario sen follas XVIII

Noites en branco.

Ollares que se perden

buscando que!

Imaxe sacada da rede. Autor descoñecido.

Versos nun calendario sen follas XVII

A vida esgótase silandeira
polas rúas dunha cidade
que non me recoñece,
onde quizais xa nada me agarda.
Procuro un destino
que conxugue os pensamentos
cada vez máis irtos,
e todo me devolve
ao espello no que te ollo.
O outono vacía os días de luz
e nas noites
deixase notar o frío.
Amar por amar
é excesivamente doloroso.


Fotografía: Cecy Jup

Versos nun calendario sen follas XVI

Mercar baleiros

para encher de vacíos

outros baleiros.

Fotografía: Suso Díaz

Versos nun calendario sen follas XV

Vou polo monte

da túa indiferenza

descalzo, núo.

Pintura atopada na rede de autor descoñecido.

Versos nun calendario sen follas XIV

No día da/o poeta.

Poeta es ti, amor!

Verso dos meus latexos.

Fenda que sandas.

En ti, sen ti, derrétome,

constrúo ledas metáforas.

Ilustración atopada na web do GAIÁS. Autor descoñecido.
Tradución e composición dos versos: Suso Díaz

Versos nun calendario sen follas XIII

Auga dos camiños:

Lévame onde ela, lévame

a súa beira.

Fotografía: Mario Reis

Versos nun calendario sen follas XII

Botarse ao monte.

Ouvear coma un lobo

esta soidade.

Ilustración sacada da rede.

Versos nun calendario sen follas XI

En plena noite

búscote na soidade

dos pensamentos.

Íspome nas palabras

que penso, e non che digo.

Fotografía: Yenire Fernández

Poetas en lingua portuguesa

Comparto aquí esta presentación que fixen de poetas portugueses de tódolos tempos. Foi un encargo que me fixo o coordinador do Clube de Leitura de Portugués. Coma calquera escolla é persoal, e faltan moitos, moitísimos que me agradaría engadir, máis non podía ser moi longa.

Comezo con Martín Codax, pois no sistema educativo portugués é obrigatorio estudiar a poesía galaico-portuguesa.

Versos nun calendario sen follas X

Sigo sen ti...

Sen min, é unha constante.

Núo baleiro.

Ilustración: João Paca

Versos nun calendario sen follas IX

Fáltasme ti.

O outono vaise espindo

e teño frío.

Fotografía: Kininha

Versos nun calendario sen follas VIII

Son unha bágoa

que se verte nun mar

inabarcable.

Fotografía: Renato Coelho