01/12/2014

Outono de flores descuberto XIII



Imaxinarte é tan doloroso.

Non acadar o teu sorriso, supón 
unha penitencia desproporcionada.

Vístome de bágoas que se derreten
na infinitude do desexo,
e o senso é un cabalo desbocado
procurando acougo.

Agardo o inverno arrefeza os latexos
que emerxen da terra espida,
mentres, o lume alampea con forza
na lareira onde me acubillo.

Quero atoparte na oleaxe
que provocan os silencios
nos que habitamos.


Autor da fotografía: descoñecido.

Ningún comentario: